கிராமத்து வீட்டில் ஆளில்லை;
கிணற்றுத் தவளைக்கு நீரில்லை;
அமைதியாய் அழுதது ஆகாயம்.

குடியிருந்தது கூகை
ஆணையிட்டது அமெரிக்கா.

தட்டேந்த வில்லை
தவமிருக்க வில்லை
தாராளமயம் வேண்டாம்.
புத்தகக் கடை
விற்றுத் தீர்ந்தன
பீடி, சிகரட்.

உச்சி வெயில்
தண்ணீர்ப் பழம்
தாகம் தீர்த்தன ஈக்கள்.
எங்கே எதற்குப் பயணம்
ஏதும் அறியாது விழிக்கும்
லாரியில் அடிமாடுகள்.
வேசம் போட்டார்கள்
கோசம் போட்டார்கள்
வினாவாய் விடியல்.