அவரவர் சாமியை
அவரவர் வேண்டியே
கூடி உண்போம் கூட்டாஞ்சோறு.


சவப்பெட்டிகள் சாட்சிகள் ஆயின
விரைத்துக் கிடந்தன புத்தகங்கள்
அமைதி காத்தார் நூலகர்.


பதைபதைப்போடு பிரித்தனர்
பாட்டியின் சுருக்குப்பை
சிரித்தன செல்லாக் காசுகள்.


முயற்சி திருவினை ஆக்குமா?
பிணத்தின் பின்னால்
பிதா மகன்கள்.


உதடுகளுக்குள்
ஒழிந்து கிடக்கின்றன
உண்மையின் உதடுகள்.


ஊராட்சி மன்றங்களிலிருந்து
உலக வங்கி வரை
உலா வருகிறார்கள் ஒசாமாக்கள்.